Ua faamaonia mai e le Taitai o le atunuu le tamaitai Palemia Fiame Naomi Mataafa le filifilia ai o le tamaitai o Dr Mema Motusaga ma Ofisa Sili o le Matagaluega o Tina ma Tamaitai, Atinae o Nuu ma Agafesootai.
Faailoa e le Palemia i lana feiloaiga ma Tusitala i le vaiaso nei o le afioga Dr Mema Motusaga sa galue mo le Komunitī o le Pasefika ( Pacific Community) sa iloga muamua o le SPC o se faalapotopotoga faavaomalo mo atinae e aofia ai atunuu e 27.
I lea fainumera e to’a 22 atunuu o le Pasefika ma Teritori. Sa galue foi lea tamaitai i le Iunivesite Aoao o Samoa faapea foi le Matagaluega o Tina ma Tamaitai
O loo maualuga le manatu o le taitai o le atunuu ma le Mālō ua telē le agavaa o Dr Mema Motusaga e tauaveina ai lenei tofiga taua. O nisi o galuega ua iloga ai lenei tamaitai o lana finau lea i aiā tatau o Tina ma Tamaitai. Sa ola a’e i Samoa, faaauau aoaoga i Melepone Ausetalia ma maua ai faailoga maualuga PHD i mataupu Gender Studies ma le Community Developments mai le Iunivesite o Victoria. E iai foi lona agavaa i le unaiga o le tamaoaiga mo tupulaga talavou ae le gata i lea o le tomai faapitoa i le faaliliuina o soo se vaega mai le gagana peretania i le gagana Samoa.
O le filifilia ai o Dr Mema Motusaga ma Ofisa Sili fou a lea Matagluega lea faatoa faamaonia talu ona maea le tautua a lē na tulai mai lea tofi ia Afamasaga Faaiuga Mulitalo.
