Dr-Damon-Salesa
Dr Damon Salesa

Filifilia Dr Damon Salesa e avea ma sui faaao o le AUT

O se tasi o tamalii Samoa,Toeolesulusulu Dr Damon Salesa ua taua i lipoti ole amataga o lenei vaiaso, ua filifilia nei e avea ma sui faaao o le AUT, Te Wananga Aronui o Tamaki Makaurau poo le  Auckland University of Technology ile maea ai o le sailiga o se tasi e sui tulaga i le sui faaao o loo iai ile taimi nei, Derek McCormack ole a litaea ile maea ai o le 18 tausaga i lea matafaioi.

Mo le 20 tausaga e pei ona faailoa i tala mai le televise a Niu Sila, o le AUT o se tasi o tala uiga ese i Aotearoa pei ona faailoa ai se faamatalaga a Salesa. Ua ia faailoa foi lona fiafia ile maua ai ole avanoa e taitai ai le AUT i leisi laasaga o lana faigamalaga agai I luma ma le auaunaga ile aai , le itulagi ma le lalolagi foi.

O Salesa e pei ona agiga ile lipoti, o loo avea ma pro vice chancellor ile Iunivesite o Aukilani ae sa galue foi mo le Iunivesite o Michigan mo le 10 tausaga. Na maua lona faailoga o le Masters ile Iunivesite o Aukilani ma ua maea foi lana PHD ile Oxford University . Na soifua ane i Glen Innes ma o se alo o Samoa.

Saunoa le faaao o loo iai nei o le AUT, Rob Campbell ua nofosauni le Iunivesite e faafeiloai le agai ane o Salesa i lona tofiga fou ile tausaga fou.O Toeolesulusulu o lona faletua Hon Jenny Salesa, o le faipule o le Leipa.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required