O le pepa o faamatalaga mai le ofisa autu o le Lakapi Samoa I si o tatou atunuu ua faalauiloa mai ai le au taitoafitu ale atunuu ua filifilia e le alii faiaoga mo vae o le taamilosaga a le lakapi taitoafitu ale lalolagi mo Singapore, faapea foi ma Vancouver.
Pei lava foi o NIu Sila ma isi atunuu ua fai foi si umi e lei toe auai le Manu i isi vae o le taamilosaga ona o aiaiga lava o le koviti 19 peitai la o lea ua faailoa mai lana au mo taaloga o le a sosoo ai a le HSBC World Series ma ele taumate o se tulaga fiafia foi lea mo le atunuu ma le au tapuai masani a le Manu ona o le a toe auai ai I taaloga pei ona faagasolo faavaomalo.
O le au la ua filifilia e aofia ai Melani, Matavao,Vaafauese Apelu Maliko, Vaovasa Afa Sua, Faafoi Falaniko,Iafeta Purcell, Indiah Saotui Huta, Miracle Faiilagi, Motu Opetai, Owen Niue, Paul Scanlan, Pelosi Taupo, Steve Onosai, Uaina Sione.
Ole pulega o le au, faiaoga Muliagatele Brian Lima, Tausa Faamoe Faamaoni Lalomilo o le faiaoga lagolago, Tuala Leaega Pat Leota ole manager, Junior Narayan o le analyst ma Jon Garcia o le physio. Pe a male toaono alii taaalo mai le lisi lea o le taimi muamua lea o le a taaalo ai I le tausinioga faavaomalo lea ole taamilosaga taitoafitu.
