E talitonu taitai o komiuniti Pasefika o le filifilia o le uluai Sui Palemia o Niu Sila e iai sona tupuaga mai le Pasefika, o le a avea lea o se suiga lelei tele.
O le Palemia o le a iai nei Chris Hipkins ua ia filifilia le tamaitai o Carmel Sepuloni e avea ma Sui Palemia ae o ia foi o le uluai tamaitai faipule mai Tonga i le Palemene o Niu Sila i le 15 tausaga talu ai.
O Sepuloni o le tamaitai Tonga ma Samoa ma ua faailoa ai finagalo fiafia o taitai o le Pasefika i Aukilani e pei o Sir Colin Tukuitonga sa ia faailoa i le Morning Report o se tasi lenei o pine faamau i le talafaasolopito mo le latou foi komiuniti ae le gata i lea o le atunuu atoa ma e manatu o le tomai ma le silafia o Sepuloni i le Pasefika aemaise komiuniti foi a Maoli o le a fesoasoani tele lea i le taitaiga a Hipkins.
E lima tausaga sa avea ai pea Sepuloni ma minisita o le matagaluega o le Social Development aemaise le vaaia o le iloiloga tele sa faia i le Working for families welfare scheme.
