E manatu le alii fusu o Joseph Parker ua agavaa o ia e finau mo le Fusi o le lalolagi i le paga mamafa ina ua iu manuia lona taumafai i le faaiuga o le vaiaso i le la fetauiga ma le alii Saina o Zhilei Zhang i Saudi Arabia.

Fai mai Parker e pei ona lipotia i le Newshub, e fia fusu mo le fusi o le siamupini o le lalolagi.

Na ta’ua i le lipoti afai ae maua le avanoa o Parker i le fusi o le WBO, o le a faatali se’i faamautu poo ai lana paga o le a iai.

O Oleksandr Usyk ma Tyson Fury ua fuafua e fetaui i le masina o Me mo le sailia o le siamupini i le paga mamafa ma afai foi e faamautuina lē o le a manumalo, o le a umi pea foi se taimi e faatali ai Parker.

O lana faamatalaga i le lipoti lea ua ta’ua ai e Parker e lē popole poo ai o le a o la fusu pau o le mea, ua manao i le Fusi o le lalolagi.