O lea ua amata le suesuega a leoleo ma faailoa mai nisi faamatalaga e faatatau i le tino maliu na maua i le Aso Lua o le vaiaso nei e se tagata fagota i le Gulf Harbour i Aukilani.
O le leoleo suesue Tim Williams mai le ofisa o leoleo i Waitemata na ia faailoa ua faia nei le suesuega ma o loo talosagaina le lautele mo se fesoasoani i le fia faamautuina poo ai tonu lē ua maliu.
Fai mai ua mae’a nisi suesuega a leoleo ma ua sauni foi e faailoa nisi faamatalaga e uiga i lē ua maliu, o se tamaitai e tupuga mai le Atu Asia.
O le faamoemoe o leoleo e fia faamautu poo ai tonu sia tamaitai ona logoina lea o lona aiga ma faaauau pea le suesuega pe na mafua i se ā ona maliu.
