Na faavave atu i le falema’i se pepe e tigaina ma nisi tagata e to’alima na manunu’a i le faalavelave tau taavale i Melepone i le vaveao analeila.
E lua taavale na feto’ai i Station Rd i Deer Park i le te’a o le 12 i le vaveao, e to’atolu tagata matutua ma tamaiti e to’atolu na i totonu o le isi taavale ma ave uma i le falema’i.
O le isi pepe e fai si tigaina e pei ona lipotia e le 9News ma le isi pepe ma se tamaitiiti o loo manunu’a foi faatasi ai ma tagata matutua uma e to’atolu.
O le avetaavale o le isi taavale e 22 tausaga fai mai e le’i āfaina ma sa pu’eina ai e leoleo i le nofoaga o le faalavelave.
O loo sailia e leoleo ni molimau o lenei faalavelave ma o loo faaauau le su’esu’ega i le taimi nei.
Puna o Faamatalaga: https://www.9news.com.au/national/baby-has-life-threatening-injuries-after-melbourne-crash/72ca191e-0b53-433a-8e89-787b66e57ade
