Feta’ua’ina i lipoti i le vaiaso nei le ono avea o lē sa avea ma faiaoga lagolago o le All Blacks i tausaga ua tuanai o Joe Schmidt, ma faiaoga o le ‘au tele a Ausetalia le Wallabies.
O lipoti a le Sydney Morning Herald ua faailoa ai o Schmidt lea o le a suitulaga ia Eddie Jones.
Ua 58 tausaga o le soifua o Schmidt na soifua ane i Palmerston North ma afai ae filifilia i le tofi faiaoga o le Wallabies o le a atoa ai ia te ia le toatolu o tagata Niu Sila e tofia i ni tofiga i le aulakapi tele a Ausetalia.
