Ua faia se faamatalaga a le taitai o le itu agai, Anthony Albanese ile au faasalalau I Western Australia ile aso o le palemia e iai lona talaaga ile faia o faamatalaga le sa’o.
Ua faia e Albanese lea faamatalaga ile maea ai o se lipoti ile po anapo I le ABC sa ia taua ai e teena e le sa avea muamua ma premier o Niu Sau Uelese, Gladys Berejiklian le faia o ni faamatalaga le lelei faatatau I le palemia.
Fai mai Albanese o le faafitauli la o faamatalaga na fai a le palemia I le po anapo ona o lea ua liki mai faamaoniga o tusitusiga poo texts sa faia ile taeao analeila ma ua silasila iai le lautele.
O loo faaauau pea feupuaiga a taitai o itu e lua ma fai mai Albanese o faamatalaga sa tusia e Berejiklian i ana texts e faatatau ile palemia, e faamaonia ai le ituaiga tagata e iai Scott Morrison, e matele ile polokiki nai lo tagata.
O le text a Berejiklian sa faia I seisi faipule ma taua ai o le palemia o se tagata matuai leaga lava.
