Ua iai le sui o le aufaigaluega a St John i le falemai i Waikato i aso o le vaiaso, a o galulue ai e tuuitiitia le taimi e faatali ai gasegase i totonu o taavale ambulance i le taimi e taunuu atu ai i le falemai.
O le faaiuga o Iulai lea na lipotia mai ai le umi tele o tutū o taavale ambulance i fafo o le falemai i Waikato, ma o lea na amata galulue faatasi mai ai loa St John faapea le pulega a le matagaluega o le soifua maloloina e faia suiga.
O le Aso Gafua agai i le Aso Faraile lea ua iai lava le tagata faigaluega a le St John e fesoasoani i taavale ambulance i le taimi e tauunu atu ai i le falemai, aemaise o fesootaiga ma tagata faigaluega i le falemai.
Fai mai ai St John ua maitauina le faaitiitia o le taimi lea ua o atu taavale ambulance ma faatalitali i fafo talu mai ona iai lava lo latou sui ua faamautu i le falemai i Waikato.
