Fesiligia le tutoatasi o le Faamasinoga

I se feiloaiga a le taitai o le Vaega Faaupufai e puipuia aiā tatau o tagata, le HRPP Hon. Tuilaepa Lupesoliai Sailele Malielegaoi ma tusitala i le taeao nei na faaali ai manatu e fesiligia ai le amiotonu ma le tutoatasi o le Faamasinoga a Samoa.

O le talitonuga a Tuilaepa o loo galulue faatasi le vaega faaupufai le Faatuatua i le Atua Samoa ua Tasi ma le faamasinoga i le aso ananafi.

“ua matua fesiligia lava le tutoatasi o le faamasinoga, teena le matou talosaga e apili ae talia le talosaga a le FAST e lē faatusalia lona taua i le apili lea, lea ua maea ona malele le Ao le malo, toe faasilasila mai e le Fofoga Fetalai e le usuia le fono ae lea na savavali mai a le faamasinoga i le aso ananfi, o lona uiga a fai nei le apili ua matou iloa lelei le apili , ua matilatila i le lalolagi le o faatasi o le FAST ma le faamasinoga”

Peitai o le Aso Faraile na tea nei 21 o Me na saunoa ai foi Tuilaepa “e na’o le toatasi lava le faamasino i Samoa na ia faamoemoeina o le afioga ia Vui Clarence Nelson ina ua tuumai le faaiuga o le mataupu i le nofoa faaopopo o tamaitai i le Palemene.

A’o lenei taeao na taua e Tuilaepa “o se auala e tatau ona faatino ina ia tutumau ai le tutoatasi o le faamasinoga ua tatau loa ona tapā ni faamasino mai fafo e faia le mataupu “

Manatu Tuilaepao “ afai ae le faia e ni faamasino mai fafo o le a lē maua se iuga amiotonu o le mataupu “
O le finau a le HRPP ina ia valaau le latou apili ae le’o le taatia mo le isi 3 masina , o le a lava le iuga o le latou apili lea pe manumalo pe leai o le a latou usitaia.

LAUILOA

Keep uptodate with Radio Samoa activity & promotion

* indicates required