Ua fesiligia le lumanai o le arts sector poo le avanoa e atiae ma faailoa ai taleni i lalo o le faigamalo o loo iai a o taumafai e faaitiitia tupe faaalu.
O se tasi lenei o itu e lē o sau i le lisi o mea o loo ave iai le faamuamua a le faigamalo i totonu o le 100 aso muamua o lona tulai mai, ma ua iai le popolega o le faatonu o le Arts Festival e foliga mai e lē o tāua tele i le silasila a le malo.
Peitai ua ta’ua e le minisita o loo gafa ma lea matagaluega, Paul Goldsmith, o loo iai pea lona talitonuga e tāua tele mo le tamaoaiga o Niu Sila ma e tāua ia te ia le feiloai muamua ma le arts sector a o lei faia se isi faaiuga.
I faamaumauga ua toatele ua agai ese ma le arts sector ona ua taugata tele, ma o le faaitiitia o tupe maua o le a aafia ai ma le fuainumera o tagata o loo iai taleni eseese e mafai ona ofi atu i faaaliga faavaomalo.
