Ua suesue nei le faatuatuaina o siaki faia muamua o pasese faimalaga mai atunuu I fafo ae e le I feosofi I luga o vaalele
O le itu lea ua vaavaai iai le tamaitai palemia, Jacinda Ardern I le maea faamaonia o siaki o le Koviti o le silia ma le 60 pasese taunuu mai Initia I totonu o le lua vaiaso talu
O le Aso Faraile o le vaiaso talu ai na faamaonia mai ai foi isi cases e 5 o pasese mai Initia, ma e tusa ma saunoaga a Jacinda I le faaiuga o le vaiaso pe a ma le 90 active cases I le taimi nei taunuu mai Initia
O Initia o se tasi lea o vaega o le kelope e tatau ona tapa siaki e negative o le Koviti faatoa mafai ona agai mai, ma ua saunoa foi le tamaitai palemia, e le o iai ni faamaoniga o ni faaiuga o le Koviti e pepelo ona faia I le taimi nei, ma o le fesili ua tulai mai nei pe faamata o tutusa le faatautaiga o siaki I ia atunuu ma auala o loo faia ai nei siaki I totonu o Niu Sila
O le aso ananafi I le itula e 4 I le afiafi lea na amata tapu ai mo sina taimi le tumau faigamalaga uma mai Initia taunuu I Niu Sila, ma o loo iai fuafuaga e toe tatala lea sa I le Aso Lulu, 28 o Aperila
O le taofia o tagata omai mai Initia o se taimi o le vaavaai ai le malo I auala e tuuitiitia ai le fuainumera o cases faamaonia I totonu o nofoaga faanofoesea
