Search
Te Huia train
Photo: CHRISTEL YARDLEY/WAIKATO TIMES

Fesiligia le faasala na o le Te Huia ao lea foi e iai ma isi trains e le i usitaia moli lanu mumu

Ua fesiligia le amiotonu o le faaiuga a le Waka Kotahi lea na ia faamalolo ai feoaiga a le Te Huia sau I Aukilani.

O lea ua toe iloa nei I le masina o Iulai na faamalolo ai e le Waka Kotahi trains a le Te Huia, e valu isi trains feaveaia pasese e le I tutu foi I moli lanu mumu.

Na taofia faafuasei e le pulega le faaauau mai o le Te Huia I le taulaga I Aukilani mafua I le le tu I moli lanu mumu, lua vaiaso mulimuli ane toe fai mai o le a toe faataga mai le aso 7 o le masina lenei o Aukuso.

Peitai I faamaoniga ua toe maua nei e 27 isi mataupu faapea e le I usitaia ai e trains moli faasinoala, o le lua o le Te Huia, lua o trains I Aukilani ma isi trains I Ueligitone.

Ua fai mai ai le council a Waikato, pe aisea na faasino tasi ai lava na o le Te Huia ma faasala ao lea na soli foi e isi trains o loo feaveai ai tagata femalagai tulafono lava e tasi.

Ae e le I faalauaitele mai ai faamaumauga nei, o lea sa muai fesiligia e le iuni le faaiuga na faasala ai na o le Te Huia.

I le tali a le Waka Kotahi, ua tautino ai e le na o le Te Huia na solia tulafono peitai e le I tutusa ma isi trains.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required