O loo tatala pea le avanoa mo tuaa ma nisi o aiga e fia auai i le faatasiga a le FALIU LE LA, lea o le a feiloa’i ai ma le susuga i le faipule ia MP Teanau Tuiono i Aso Gafua, 7 Iulai 2025. Nofoaga e faia ai o le Manurewa Sports Centre, Mountfort Park, 180 Weymouth Road, Manurewa i le 10am – 1pm.
· (9:30am) Amata taunuu le mamalu o le atunuu
· (10am) Taunuu MP Teanau Tuiono
· (10:05am) Lotu & ‘Ava o le feiloa’iga
· (11am) Saunoaga MP Teanau Tuiono ma faatalatalanoaga
· (11:30am) Puegāata & Taumafataga mamafa
· (12pm) Lūlūlima ma faatofā ma MP Teanau Tuiono
· (1pm) Tā’ape ma faatofā
Faamolemole e faamanatu atu e fai ta’ita’i la tatou faatasiga auā la tatou taumafataga mamafa o le aoauli. Mo nisi faamatalaga, faafesoota’i mai le ASA Foundation (021) 618-042.
E ui ina ua ua to manū i lena tausaga i le sa’iliga malo mo le toe faafoi mai o le sitiseni NZ o Samoa sa soifua i le vaitau 1924 – 1948, peita’i e leai se aogā o le sitiseni pe afai e lē maua faamanuiaga a NZ. O le ala lea o le faia o nei fesoota’iga e fesoasoani mo le faia o talosaga i auaunaga e agavaa ai nai tuaa. O se tasi o lu’i i i le aga’i mai e alala i NZ, o le fiu lea e nofofale ma leai se isi e talanoa iai pe a oo ina o fanau i galuega. O le isi lea taua o le FALIU LE LA, e maua ai se mafutaga a nai tuaa i masina ta’itasi.
Afifio ma talaaao mai se’i o tatou feiloa’i e lūlūlima ma faatalofa ma le susuga i le faipule ia Teanau Tuiono. O se avanoa e lē ‘aumaua e pu’e ai so outou ata ma le faipule aemaise o toa sa tula’i mo Samoa. E manatua ai le tala ia Nafanua, ‘e gase toa, ae ola pule.’
