E fai si umi atu o le fonotaga a le tamaitai Palemia o Niu Sila ma le Peresetene o Amerika nai lo le taimi sa fuafuaina e pei ona faailoa i lipoti ma e tāua foi e sina manumalo laititi mo Ardern ma lana finau e unai tulaga i fefaataua’iga i le va o Niu Sila ma le malo tele o Amerika.
Ua lipotia ai se faamatalaga a le tamaitai Palemia e faapea o le fonotaga sa faasoa ai lagona ma lu’itau ma ua lagona lona faagaeetia i lea feiloaiga. Fai mai le Palemia o le mataupu i le Pasefika ma le agai atu o Saina i le Pasefika o se vaega tāua lea o le talanoaga.
I le mataupu lava ia i fefaataua’iga ua faailoa e Ardern le fiafia o Niu Sila e auai faatasi ma Amerika i le Indo Pacific Economic Strategy ma ua iai sina suiga lelei i le mataupu lea mo Niu Sila.
O le aso ua toe agai mai ai i fanua le faigamalaga a le tamaitai Palemia.
