Ao faasolo tafaoga o aso fiafia i lenei vaitau, o lea ua tuu mai fautuaga a le vaega o Surf Life Saving New Zealand i le toatele o le ‘au tafafao ina ia tautuanā le saogalemū.
Ua tuuina mai foi ia fautuaga ona ua o latou maitauina tulaga loulouā o le tau, mo le agai ai foi o le toatele i le sami mo taelega ma tulaga o taaloga o le surf, e pei ona o latou molimauina le tetele ma le malolosi o galu o le sami.
I Raglan’s Ngarunui Beach lava ia, na faaalia e sui o tagata lavea’i, e ala i so latou ripoti na faaalia manino mai ai le tele o mataupu, o tagata na lavea’ina mai o latou ola mai le sami i lenei vaitau, ma faaalia ai ua lē toe tutusa matāfaga, nai loo le taimi sa iai i tausaga ua tuanai.
Ua fautuaina ai nei tagata tae’ele ina ia siaki ma mata’ituina lelei tulaga o le tau a o le’i agai i le tai, ma ia ‘au’au i vaega o loo iai fu’a ua mae’a faatulagaina mo le saogalemū ma ia vaai lelei taimi e malolosi ai galu.
Puna o Faamatalaga: http://1news.co.nz/2025/12/30/swimmers-urged-to-take-heed-of-changing-beach-conditions/
