Ua unaia e leoleo le atunuu ma komiuniti eseese ina ia mataala ma ia puipuia lelei i latou i le vaitau o aso fiafia auā o se tasi foi lenei o taimi e mataala tele ai le augaoi aemaise i tafaoga o fuafua a aiga mo le kirisimasi.

Saunoa Paul McRoberts mai le ofisa o leoleo i Hamilton e ao ona mataala tagata i taavale ma meatotino aemaise foi ia latou faamomoli ma meli e lafoina ane i le vaitau o le kirisimasi.

O faatauga i upega tafailagi online shopping o loo agai foi iai fautuaga a leoleo ina ia faamautu lelei maliega e faia mo le fesuiaia o oloa ma ia mataitu faamaumauga faalilolilo ia malupuipuia pe a faia faatau i le online.

O se tasi o faamanatu a leoleo ua agai i afifi ma faamomoli e kiliva agai i fale o aiga ma matele ina faataunuu i lumafale o fale ma faitotoa, fai mai leoleo e ao ina mataala ona ua iai mataupu ua toe tasii ese mai lava afifi ma uta ia o faatauga mai luma o fale o aiga ona o le lelei o metotia ma le popoto o le au gaoi.