Ua toe faamanatu mai le matagaluega o le soifua maloloina i tagata ina ia mataala ma silasila ma le toto’a i le faama’i o le monkeypox lea ua oo atu nei i le 11 tagata ua aafia ai i Niu Sa Uelese.
Ua ta’ua i lipoti a le 7News e foliga mai o tagata e to’alua mai le to’a 11 lea ua pepesi ai le faama’i i laueleele o Ausetalia. Fautuaina tagata ina ia mataala e mata’itu āuga o le faama’i.
O loo masalomia o le isi to’aiva o ē ua aafia na aafia mai i atunuu i fafo ae o le to’alua lea na aafia lava i totonu o Ausetalia. Toe faamanatu mai le soifua maloloina ia manatua o āuga o le faama’i lea o le fiva, tiga o le ulu ma tino, mageso i nisi o itutino ma e ao lava ona vaai se foma’i pe afai ua iai āuga ma faia foi talifofoga.
