Lipotia I le RNZ Pacific ile aso o seila Samoa o loo galulue I atunuu I fafo ua lapataia e tatau ona faatumauina tulaga o le amio e tatau ona ausia.Taua ile lipoti o le faaiuga o le vaiaso talu ai pei ona lipotia e le Samoa Observer sa saunoa ai le pule sili o le Samoa Shipping Services, Lautimuia Uelese Vaai ma faailoa ai e toa 10 seila ua maumau konekarate ona o mafuaaga e pei o le gaoi, faia o uiga mataga, amio le taupulea aemaise o mataupu e aofia ai Fualaau faasaina ma le ava malosi.
Fai mai o le saunoaga a Vaai sa faia i seila fou e toa 29 ao lei agai ese male atunuu mo konekarate I Italia. Taua foi ile lipoti se faamatalaga mai le alii pule e faapea toa 6 isi seila ua toe foi I Samoa ma le toa 4 o le a toe faafoi I aiga ile malaga muamua e avanoa ane.
Fai mai Vaai pei ona faailoa e le lipoti o leisi seila o loo fetauaina na maua atu o taumafai e gaoi se tv mai se tasi o potu, faamanatu e le alii pule o vaa uma faapea o Cruise ships uma e faaaoga meapueata a le CCTV e mataitu ai mea uma ma e iloa ai ii gaioiga solitulafono e tutupu.
Fai mai o le aso ananafi na taunuu ai alii seila fou ia e toa 29 I Milan ma o le a faanofoesea mo le 7 aso ao lei amata I galuega.
