Mask social distance

Fautuaina Samoa ia to’a pea ma faaauau puipuiga masani mai le faama’i

O le faaauau pea ole faia o talifofoga I taimi uma e agai ai I nofoaga faitele aemaise o le fufulu mama o lima, o faamanatu masani ia ua toe faamamafa mai e le Komiti o faalavelave faafuasei I Samoa atoa ai ma le faamanatu ia faia uma tui puipui o le faamai mo le saogalemu, ina ua aliae mai le lipoti I le aso ananafi ua faamaoni ai tagata e toa 10 ua faamaonia le aafia I le koviti 19 ise malaga mai Brisbane Ausetalia na taunuu atu I le atunuu I le vaiaso nei.

Pei ona faafofoga iai le atunuu ile feiloaiga a le Komiti o faalavelave faafuasei ma le au tusitala o loo fautuaina mai ai ia faaauau pea ona faia puipuiga masani o le koviti 19 ma fai tui puipui o le faamai. O lipoti lata mai ile taeao nei ua taua ai le ono faaleaogaina o malaga repartriation flights mai Ausetalia ona o le tulaga ua tulai mai ma ua maea foi ona faaleaogaina le malaga sa fuafua atu mai Niu Sila nei mo Samoa ile aso a taeao.

E toa iva isi pasese o close contacts oi latou ua aafia ua faamaonia mai o loo faanofoesea foi atoa ai ma le aufaigaluega sa feagai ma le auaunaga ile taunuu atu o le vaa I Samoa. Ua faailoa mai e le faatonu o le soifua maloloina I Samoa ile feiloaiga ma tusitala I le aso ananafi o le a faatalia se faamaoniga poo le a tonu le vairusi lea o loo aafia ai I latou ia pe a auina mai le iuga o siaki e faamautu atu I Niu Sila nei.

Mo le taimi nei ua fautuaina e le Komiti le atunuu ia lava papale ma to’a pea ao faatino le galuega a le Komiti I le faia o siaki ma faamautinoa o loo malu puipuia le atunuu mai le pepesi atu o le faamai I tua I le komiuniti. Ua unaia foi e le tamaitai palemia sui o le palemene ina ia taulamua I tulaga uma tau le puipuiga e taofia ai le pepesi atu o le faamai ile atunuu.

Scroll to Top

Keep uptodate with Radio Samoa activity & promotion

* indicates required