Na alafa’i mai foi le atunuu i se tasi o aso malulu a o faasolosolo mālie mai le taumalulu e pei ona masani ai i le taimi lenei i tausaga taitasi.
Ua fautua mai le vaaitau o le a iai suiga i le tau mo isi vaega o le atunuu o le a aafia i faititili ma asiosio a o agai atu i le afiafi.
Ua tuuina mai ai se fautuaga mai le vaaitau i uiga loulouā o le tau a o lei oo ina avea ma lapataiga.
Ua faamaonia ai o faaitu e pei o Taupo, Rotorua, Wanaka, Queenstown ma Timaru o le a matuai malulu lava i le asō.
Sa tetele le puao i le tele o vaega ma ua fautuaina ai avetaavale ia faaeteete i luga o le auala.
Ua toe faamanatu mai le vaaitau i le atunuu ina ia mautinoa o loo fai ma siaki le tala o le tau aemaise foi i tulaga o timuga ne’i aafia i lologa.
