E iai vaega o Ausetalia o le a feagai ma faititili ma e ono lolovaia foi i le faaiuga o le vaiaso, le long weekend o le Eseta a o seesee mālie ane le ‘afa o Megan agai i le itu i Saute ma Sasae mai le Northern Territory.

O le tele o laumua o Ausetalia o le a aafia i timuga mamafa ma ua lapataia tagata ia silasila i le tala o le tau.

O le a mātele ina paolo le faaiuga o le vaiaso e amata atu a taeao le Good Friday seia oo atu le Easter Monday.

E iai timuga mamafa ua fautuaina mo le itu i Sisifo o NSW i le Aso Sa ae o loo tālia ai se isi lipoti lata mai a le Weatherzone.

O le fautuaga mo tagata uma ia fai ma siaki le tala o le tau.

O le faasologa foi o timu e agai atu i le setete o Vitoria i le Aso Gafua.