O mu ua tutupu mai ma faaleagaina ai meatotino e pei o fale ma isi aseta tāua ma aoga, ua aumai faalauaitele ai se fautuaga a le pulega o le tineimu ma galuega fesoasoani i taimi o faalavelave faafuasei, i lo tatou atunuu ina ia galulue faatasi e taofia ai le tulai mai pea o ni mu ma afaina ai meatotino, aemaise o le lamatia ai o le saogalemu o le soifua o tagata.
O le mu o se fale mo se pisinisi fau meafale i Vaitele i le po o le Aso Lua, ma le mu o se isi pisinisi i le taeao o le Aso Lulu na mafua o se ogaumu i le umukuka, ua faailoa ai e lea auaunaga e tatau lava i pisinisi uma ona usitaia tulafono o le saogalemu, e pei o le iai o ni fagu fuimu, ma ni faailoilo e vave iloa ai se mu.
O mugala ua aafia ai foi le atunuu ua mago ma paaa ai le laufanua, o se isi lea fautuaga e taofi le soona faia o tafunai ma le susunuina o otaota ma lapisi.
O uaea eletise ua faaletonu, e pei o sooga o uaea po ua atiatia foi o isi mafuaga ia o mu e aafia ai laoa ma maota.
O se tasi o ofisa sinia o le pulega o le tineimu ma galuega laveai i taimi o faalavelave faafuasei i se polokalame faalauiloa mo le atunuu, ona o mu ua aafia ai nisi o meatotino tāua ma aoga.
