O le fautuaga mai le Kovana o le Reserve Bank of Australia o Philip Rowe i tagata o loo aumau pe saili foi ni fale mautotogi, ua alagatatau ona silasila i le nonofo faatasi ma aiga pe nonofo faatasi foi ma uo ona o loo agai lava ina faaauau pea ona lē lelei le maketi mo le sailiga o ni fale mautotogi tau feololo ni tau.
Fai mai le Kovana e lelei i tagata o loo feagai ma faigata i le totogiina o rent ona silasila i le nonofo faatasi ma isi pe toe agai foi i maota o aiga e aumau ai mo le taimi nei ma fautuaina foi nisi e ana fale ina ia rent out potu o o latou fale o loo avanoa e fesoasoani ai i le faafitauli o loo feagai nei ma le atunuu i le tuuitiitia o fale mautotogi.
I le isi itu o le auaunaga tau fale o se tala lelei le taimi lenei mo i latou e ana fale ma ua amata ona toe lelei mai le maketi ma faamauina le siitia i le 1.2 pasene ua siitia ai le toe maua o pisinisi a le maketi lea talu ona faaletonu i se taimi e lei mamao atu.
