Na fana ma maliu ai lava i luga o le auala i Ponsonby i Aukilani i le te’a o le 10 anapo.

E oo mai i le taimi e tuufaatasia ai tala o le taeao o loo tapunia pea auala i le va o Franklin Road ma le fetaulaiga o auala a Picton St ma Richmond Rd e tusa ma lipoti a le Auckland Transport ma ua fautuaina le faaaogā o isi auala.

I se tala lata mai a le Herald o loo ta’ua ai o lē ua maliu na fana mai totonu o le taavale o loo alu, ma e lei iai se isi ua loka mai pe ua molia foi i le taimi nei.

Ua faamaonia mai ai e leoleo e taunuu atu ua maliu le alii i luga o le auala, ma e mai le te’a o le 10 faatoa aveesea mai lona tino maliu i le lata i le 2 i le vaveao nei.

O loo faaauau suesuega ma faatalanoaga a leoleo i lenei mataupu.

Puna o Faamatalaga: Auckland crime: Man shot dead on Ponsonby Rd – NZ Herald