Ua faailoa mai i se lipoti lata mai o le na fanaina e le tagata i le po anapo i le itu i Sisifo o Sini, ua maliu lava i le falema’i sa auina atu iai mo togafitiga. O le faalavelave na fana ai pe faasefulu lē sa avea ma sui o le kegi a le Lone Wolf o Yusuf Nazlioglu ina ua aga’i ese mai ma kapaka o se fale i Rhodes i le afiafi ananafi.
O nisi o ata ua faailoa i le lipoti a le 9 News o loo faailoa ai le manu’a tigaina o lea alii, 40 tausaga le matua a o faavave atu e paramedics i le falema’i na maliu ai lava i le taeao analeila.
Fai mai leoleo e talitonu o le osofa’iga o se faiga ua leva ona fuafua ma ua faagasolo nei su’esu’ega a leoleo ma ua ta’ua foi na maua atu se taavale ua susunu i tala atu o le nofoaga na tupu ai le faalavelave.
