Search
Search

Falepuipui Rudolf Nauer o le avetaavale o le loli mamafa na maliu ai se tama a’oga

Ia Mati o le tausaga e 2021 na tupu ai le faalavelave tau taavale i se vaega o le aualatele ua ta’ua o le cross island road, lea na oso ai i tua se loli la’uuta mamafa sa ave ai se masini uapato poo le excavator, ma lavea ma maliu ai se tama a’oga o le kolisi o Avele e 14 tausaga le matua.

O le Aso Tofi na tea nei na faatoa lau ai le faaiuga a le faamasinoga faasaga ia Rudolf Nauer 24 tausaga le matua o ia sa aveina lea loli la’uuta mamafa.

Ua nofosala o ia i le falepuipui mo le umi e 2 tausaga ma le valu masina, o se faasalaga na amata mai le fua i le lima tausaga faafalepuipui.

Ae na toesea isi masina ona o itu lelei faasino i lē ua nofosala, aemaise o lona ioeina o le moliaga o le avetaavale faatamala na mafua ai ona maliu se tagata le negligent driving causing death.

O le isi itu lelei mo Rudolf Nauer sa tuuina atu e lona aiga le sefulu valu afe tala i le aiga o lē na maliu mo tapenaga o le lauava ma le tuugamau.

Ae i le faaiuga tusitusia a le afioga i le tamaitai faamasino o le faamasinoga sili le afioga Niava Mata Keli Tuatagaloa, o loo faaalia ai sa molia muamua e leoleo lē ua nofosala i le moliaga o le fasioti tagata paivalea ona o se faalavelave tau taavale, ma moliaga o le leai se laisene e na te tauaveina ai se loli la’uuta mamafa, ma e lei laiseneina foi le loli e faamautu ai ua saogalemu atoatoa mo le fealuai i le aualatele.

Na alu alu taualumaga o lenei mataupu faaui i tua e leoleo moliaga uma ae totoe nao le moliaga o le avetaavale faatamala ua mafua ai le maliu o se tagata, peitai na toe avatu foi moliaga muamua ma toe molia ai le ua faasalaina.

O Iulai o le tausaga nei na toe oo atu ai leoleo i le faamasinoga ma toe ave i tua moliaga e fā ae ioe ai loa Rudolf i le moliaga e tasi ua nofosala ai nei i le falepuipui.

E 3 tausaga ua faasā ai e le faamasinoga ona toe umia e le ua faasalaina se laisene avetaavale.

Tala sili ona faitaulia

Tala mai samoa

TALA FOU MAI SAMOA

SAMOA UPDATE

PODCASTS

Listen on

FAATALATALANOAGA

TALA O TAALOGA

POLOKALAME A LEOLEO

Keep uptodate with Radio Samoa activity & promotion

* indicates required