Ua faasala soloatoa I le falepuipui se alii na lauina lona iuga I le faamasinoga I le aso ona o le faalavelave na uma ai le soifua o lana paaga sa ia tuu I totonu o se taavale na mu I Aukilani I Saute. Lipotia e le One News I le aso I le faamasinoga maualuga I aukilani sa fofoga ai le mataupu ina ua ioeina e lea alii moliaga o le fasioti tagata.
O le ua aafia e 23 tausaga o Chontel Wiki Obrien I le masina o Novema tausaga talu ai.
O Palmer Edward Marsters ua taua sa ia solia tuutuuga o le tatala ai o ia I tua I isi foi moliaga sa aofia ai, sa ia faaoolima ai I le ua maliu ma ma susunu le taavale sa iai totonu lona tino.
Na faailoa e lana loia pei ona taua I le lipoti , e teena e lana client le iai o ni fuafuaga e fasioti ai le ua maliu ma o le mafuaaga lea na ala ai ona toe agai ane lava ia I leoleo ma faailoa iai I se taimi mulimuli ane o ia na faatinoina le solitulafono.
