Ua pasia le palota a Malo Aufaatasi e finauina ai le puipuia o tagata ese e lē o ni fitafita tau i le taua o loo iai nei a Isaraelu ma Gaza, peitai e iai atunuu Pasefika na tetee faapea ai ma Samoa e lei iai sona manatu.
E 120 atunuu na palota ua tatau ona finau se faiga ina ia puipuia ai tagata nei, ma na ioe iai Niu Sila faapea Solomona.
Peitai o le toatele o isi atunuu Pasefika na tetee, ma o loo aufaatasi lea ma Amerika, Isaraelu faapea ma Peretania ma o i latou nei e aofia ai Fiti, Marshall Islands, Federated States of Micronesia, Papua Niu Kini, Nauru ma Tonga.
O Ausetalia, Kilipati, Palau, Tuvalu ma Vanuatu na manino lava e lē fia auai i le palota.
O le finau o loo i tua o lenei palota, ia taofia nei le taua o loo faia, ma a o leai ai le toatele o atunuu Pasefika e iai nisi ua faitioina poo i latou nei o loo tutu malosi e finauina aiātatau a tagata soifua.
