Faaleo le lē fiafia o nisi o tagata Ausetalia ile faaiuga ua faia ua mafai ai ona faataga le alii iloga ile tenisi o Novak Djokovic e auai ile taamilosaga e faia I Ausetalia, se taamilosaga o loo faamalosia ai foi tulaga ile faia o tui puipui. Ua maua le medical exemption e Djokovic e auai ai ma tausinio ile Australian Open.

Fesiligia e le toatele le mafuaaga ua alai ona mafai ona tuuina le exemption ia Djokovic ae o loo taua e lua totino tutoatasi tau le soifua maloloina sa iloiloina ma faia le faaiuga ile mataupu lea.

E manatu le toatele I Ausetalia e tatau ona faamalamalama atili le tulaga lea ile atunuu aua e faitau selau tagata ua leva ona feagai ma mafatiaga ona o le koviti ma ona vavao, o nisi e le mafai ona vaai I aiga sa gasegase tigaina ma maliliu ao lea o loo faataga lava le alii taalo ona malaga mai I le atunuu.

O le faamatalaga a le alii taalo na faia  ile au faasalalau na ia taua ai talosia ia maua foi ni exemptions mo nai isi tagata taaalo o loo ile tulaga foi e pei o ia