Ua faigata tele le suega o loo suesue ai le malosi o le tino poo le fitness test lea e sueina i taimi e faatalosaga ai avanoa faigaluega e avea ai o se leoleo faapea ai ma leoleo ua mae’a totofi ina ia faatumauina ai pea, ma ua tatau ona sui.

O le finagalo lea o se tasi sa avea ma leoleo e faatatau i le Physical Competency Test poo le PCT lea e faamalosia ona sue i taimi o talosaga.

E molimau Gavin Benney e 30 tausaga talu ona galue faaleoleo, ua moomia ona sui pe a mananao e faaopoopo nisi leoleo fou pe faatumau foi le aufaigaluega o loo iai pea nei.

Ae i se tali a le peresetene o le asosi o leoleo Chris Cahill, o se mataupu e eseese uma ai lava manatu o tagata, peitai ua lipotia o le toatele o leoleo ua faamavae ma isi o loo galulue pea nei o loo autasi uma i le finagalo o Benney.