O loo faatalitalia seisi lipoti lata mai ise tasi o alo o Samoa sa taalo foi muamua I Aukilani ile taaloga ole lakapi iuni, le alii taalo o Kawa Leauma ae o loo lipotia mai o loo feagai ma togafitiga ma faia lona taotoga I Amsterdam ma o loo ise tulaga tigaina ina ua pau ane mai se maualuga pe a male 6-8 mita ma aafia ai lona ulu ma faatopetope atu ai ile falemai.

O tala mai le Newstalk ZB ua faamatalaina ai pei foi ona lipotia ile herald, se pepa o faamatalaga mai le kalapu lakapi a Spain lea o loo taalo ai.Taua I faamaumauga mai lea lipoti o Leauma  sa aofia ile au I lalo o le 20 tausaga a Samoa, ma isi kalapu na taalo ai e aofia ai Manukau ma Papatoetoe. Sa taalo ile taaloga na faia ile va o Spain ma Italia ile masina o Oketopa. Taalo foi mo au taitoafitu.

Ia tatou talosia ia e ala foi i talosaga le feagai ai o si alii o Kawa Leauma ma togafitiga i na atunuu e mamao aemaise foi o si ona aiga.