Ua suia tulafono o le koviti 19 i Niu Sau Uelese ina ia faataga ai tagata ona asia o latou aiga o loo ile falemai. I lalo o suiga fou ua faalauiloa nei o le a mafai ai e tagata ona asiasi I o latou aiga aemaise I latou ua matutua le soifua ma nisi ua aafia I ni tulaga ua lamatia ai le soifua aemaise tina maitaga pe a oo ile taimi e faatiga ai.

E tatau pea ona faia uma tui puipui o tagata e asiasi atu I gasegase pe iai foi se exemption. O le a tuuina foi le faatagana mo le asiasi atu pe afai e finagalo ai le gasegase ma o le a maua ai se fesoasoani mo ia.

O tagata e aafia ile koviti 19 ma close contacts foi o le a le mafai ona faataga e agai ese ma nofoaga faanofoesea ina ia asiasi ai I se gasegase oi falemai ma o le a mafai foi ona faatapulaa e le aufaigaluega a le falemai le aofai o tagata e mafai ona asiasi atu. Ua faia lenei faaiuga ile maea o le vaiaso atoa o finauga I le mataupu lenei aemaise o aafiaga I nisi o aiga na faamatala ile au faasalalau tulaga faigata ma le mafatia ona ua motusia mafutaga ma nai tina ma tama matutua ae lei maua se avanoa e faatofa iai pe talanoa foi iai ona o sa I totonu o maota gasegase ile setete.

Fai mai le premier ua iai nei o lana faigamalo e taulai i le faia o gaioiga alofa I luga o le faaeteete ma e malamalama foi ile taua o toe taimi ma aiga.