Faia suesuega I se scheme o loo fetauaina mai ise ekalesia Toga i Aukilani

O loo suesue nei e le Immigration Advisers Authority se tasi o faiga o le scheme o loo fetauaina mai ise ekalesia Toga I Aukilani e pei ona faailoa mai I lipoti a le herald I le aso.

O loo taua sa faia fonotaga ile ekalesia lea I Magele o loo faailoa mai o le faiga lea e folafola ane ai le maua o le nofomau pe a totogiina atu le tupe.

Taua e le herald o tagata ua ova aso I le atunuu ma I latou e mananao ia maua nofomau o loo taua sa faailoa iai afai e latou te fia auai I le ekalesia ona totogi lea o se vaegatupe pe a ma le 500, ole a sainia ese faamasino a latou nofomau.

O le faamatalaga a le sui o le Tribunal ile herald Duncan Connor, o loo latou unaia nisi na o latou faia lea tulaga pe silafia foi nisi na faatinoina le tuuina iai o faamatalaga le laiseneina faaletulafono ina ia faafesootai latou poo leoleo.

I lea foi lipoti o loo taua ai le unaia e le minisita o tagata pasefika Aupito William Sio o aiga Pasefika ina ia silafia ituaiga faiga faapea e le aloaia ma o loo iai ofisa o le komiuniti e feagai ma tulaga ia faaletulafono aemaise o faipule faaitumalo e mafai ona ofoina ane faamatalaga sao mo tagata o loo saili nofomau.

E le o taua ai I lea lipoti se faamatalaga mai le ekalesia o loo aafia I le mataupu.

LAUILOA

Keep uptodate with Radio Samoa activity & promotion

* indicates required