Samoa Police

Faia suesuega i le alii na sola ese mai le nofoaga na faanofoesea ai.

O lea ua faia suesuega a leoleo i le taule’ale’a na sola i tua ma le nofoaga o loo fanofoesea ai i le faamoemoe e faia ni moliaga solitulafono ona o lona aluese mai ma le nofoaga na faamautu ai mo puipuiga.

O gaioiga na faia e lea taule’ale’a ua faanofoesea ai ni tagata 71 e aofia ai ni fanau iti na fesootai iai ao agai i lona aiga i Vaitoloa ma toe agai ane i le taulaga i se lālā o le pisinisi tala tupe o le Western Union. 

Ua faaalia e le Sui Komesina o Leoleo Auapaau Logoitino Filipo ua toe silasila le matagaluega e faatino le lagolago o le toe vaaia lelei lea o nofoaga o loo nofo vaavaaia ai tagata malaga ua toe foi atu i Samoa ae o le galuega lea ua taatia lava i Pisinisi sikulatī o loo leoleoina ia nofoaga e pei o faletalimalo.

E pei ona silafia o lenei alii na sola ese mai le nofoaga na faanofoesea ai i Moamoa ae le’i atoa atoa se vaiaso talu ona taunuu i Samoa. O se tulaga na faapopoleina ai le Matagaluega o le Soifua Maloloina faapea lea atunuu ona o le

tele o nofoaga na makaga ai lenei alii i totonu o le taulaga i Apia ao faatumulia i tagata feoai o le atunuu. 

E ui i lea ae na faafetaia e le Soifua Maloloina le maua atu o suega muamua o i latou e to’a 71 na masalomia na fesootai ma lea alii e leai se tasi o maua i se auga o le Koviti19.

E $2000 tala le sala tupe ua faasala ai le taule’ale’a na sola ese ma ua faailoa ai ma molimau faatuatuaina o no nofoaga foi lea na sola ese ai se isi tagata na faanofoesea i le masina o Iulai.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required