Protest in Samoa - Radio Samoa

Faia se solo tetee i luma o le Fale Faamasino

O le taeao nei na vaaia ai nisi o tagata i luma o le Fale Faamasino i Mulinuu, faaalia lo latou tetee i le Poloaiga na tuuina mai e le Ao o le Malo  i le po anapo. O lenei solo tetee na taitai mai e le tamaiti Loia ia Unasa Iuni Sapolu.

Taua e Unasa i luga o faasalalauga tuusao a le Samoa Global i le Facebook “ o le ā le aoga o le Faamasino Sili, o le ā le aoga o le tulafono pe afai ua soli e le Ao o le Malo, Samoa tulai mo lau aia tatau, e tatau ona faatali sei maea le faamasinoga ona alo ai lea e toe fai seisi faigapalota.”

E pei ona silafia o le asō lea na tolopo mai ai le faamasinoga o le mataupu autu e ala i le nofoa faaopoopo o Tamaitai i le Palemene lea o loo talosaga ai le FAST ina ia faaleaogaina lea nofoa.

I le taimi nei o loo faagasolo le faaauauina o le mataupu i le faamasinoga na amata i le itula e 9 i le taeao nei (taimi niusila) ma o se taimi lata mai i le asō o le a maua mai ai se iuga o lea mataupu mai le faamasinoga.

Peitai o lea ua malele le Ao o le Malo e faaleaogaina uma faaiuga o le faigapalota na faia i le masina na tea nei ae sauni mo le isi faiga palota i le aso 21 o Me.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required