NZ and Great Britain

Faia se maliega a Niu Sila ma Peretania mo fefaatauaiga saoloto

Ua malilie Niu Sila ma Peretania i tulaga o se maliega o fefaatauaiga saoloto, free trade agreement, o loo latou manatu e oo atu ile piliona ole a faaopoopo ai ile tau aofai o oloa ma auaunaga i totonu o Niu Sila ile tausaga.

O lea maliega pei ona lipotia ile ZB e aofia ai mea uma mai lava i le faaitiitia o lafoga mo oloa seia oo ile tulaga maumaututu o Peretania ile faaaogaina tonu o le haka, Ka Mate. O loo faaalia o le a oo ina aveesea le lafoga totogi mo oloa a Niu Sila e auina atu I Peretania, ae ole 97 pasene o ia lafoga ole a aveesea ile aso e amata aloaia ai le maliega ma isi aiaiga o le a faamalosia malie ane i totonu o le 15tausaga.

Fai mai se faamatalaga o lafoga o oloa auina I fafo poo tariffs pe afai ae taofia o le a faasao ai le tusa ma le 37.8 miliona o tupe a le au fai oloa. O le maliega o le a suia ai foi ma tulafono o copyright laws a niusila poo tulafono patino i aia tatau faaletulafono ale tagata na muai faia se oloa. O le a manaomia ai ona pasia e NIu Sila se suiga i tulafono ina ia faataunuu ai lenei maliega I se taimi faasolo agai atu ile 15tausaga.

Ua faailoa o le maliega o le a faafaigofie ai foi ona femalagai  tagata faipisinisi ile va o atunuu e lua lea fai mai le palemia o Peretania, Boris Johnson e tai pei lava o fetuunaiga e faia ise taaloga lakapi ile taimi o le sikalamu, lea ua maua le polo pau leisi mea e sosoo o le faaoo ole polo I le laina sikoa e ave faatasi e au e lua. Fai mai Adern pau le eseesega mai le taaloga lakapi ona ole maliega lea a agai ese mai male malae pe a maea le taaloga, o le a tau fai lagona uma e au e lua le manumalo.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required