A’o iai Samoa i tulaga o le pepesi ai o le faama’i ma faagasolo ai le tautua a le Soifua Maloloina i le vaaia o i latou ua aafia i le siama o le Koviti o le Aso Toanai na mavae atu nei na faia ai se asiasiga a le Palemia ma lana Kapeneta i Falemai faaitumalo uma i Upolu.
O lea asiasiga ona o le fia silasila i le tulaga ua iai falemai faaitumalo i Upolu ma le faatinoga o galuega faasoifua maloloina o loo feagai ma fomai ma tausi soifua o loo galulue ai.
O le maea o le asiasiga na taualuga ai i le falemai faaitumalo i Leulumoega Tuai ma maua ai le avanoa a le tamaitai Palemia e feiloai ma le vasega o Tusitala ma latou molimauina lea asiasiga.
Taua e le Tamaitai Palemia Fiame ana moni Mataafa “O le tulaga a ia na faia ia le asiasiga ina ia manino le Kapeneta i tulaga o loo taatia ai nei ia tatou falemai, o falemai faaitumalo ma centres auā e eseese ia faatulagaina o o falemai. Ia e fai la o nofoaga ao le aufaigaluega o loo iai aemaise lenei taimi o lea ua pipisi le tatou faama’i e tatau a na vaa’i poo lava le tapenaga mo fuafuaga a le Matagaluega e tali atu ai ma le taua e faafaigofie ona autovaa le atunuu i a tatou falemai laiti nei loo le tau malaga mai i Apia ma faafufusi ai foi a tatou falemai tutotonu”.
Na ia taua foi “O le matou taamilosaga la nei lea ua faamauina uma ai tulaga ia ua leva foi ona faataatia mai fuafuaga a le Matagaluega, ua afia mai le Minisita ma le Sui Ofisa Sili o Pulega a le Matagaluega a’o tulaga lava e tatau ona ave iai le faamuamua e lagolago ai le auaunaga a le Soifua Maloloina”
