Faia malaga faaopoopo mo tagata na poloka i le uafu i Mulifanua ma Salelologa

Ua toe tatala le alavaa i le va o motu o Upolu ma Salafai talu ona taofia ma tapunia mai le amataga o le vaiaso nei ona o uiga faaletonu o le tau i le atunuu. 

E lei malolo vaa i le lauina mai o pasese ma taavale na poloka i motu e lua. O lenei galuega ma molimauina e le Minisita o Felauaiga ma Galuega Tetele a le Mālō e iai ma le vaaiga o le Pulega o Uafu le Eletise ma le Faalapotopotoga o Vaa a Samoa le susuga Olo Fiti Vaai.

Na faia malaga faaaopopo i le naunau o el Faalapotopotoga o Vaa ia maea galuega o le Aso Lulu ua uma mai le anoano o taavale ma le toatele o pasese sa tumu tumu ai le uafu i Mulifanua ma Salelologa. O le toatele o pasese i Savaii sa fai aso fiafia atu i le motu ma asia foi aiga aemaise i latou sa agai i faalavelave masani.

Na tali le Minisita i nisi o faaseā a le atunuu i le faalapotopotoga o Vaa i le lē faasalaluina o le lē taunuu o malaga i le amataga o le vaiaso i luga o Ualesi faasalalau i le leitiō, taua e Olo “O’u te iloa lava sa ave uma lava faasalalauga i leitio ma tv aemaise la le Facebook, atonu o si vaega sa faaseā latou te le’i maua le tulaga lena, ae ana faapea e le’i alu se faasalalauga manū e faaseā uma le atunuu. O’u te iloa e toaititi i latou e le’i maua le faasalalauga ai sa pe le tv ma le latou leitiō.”

E taunuu le malaga faaopopo mulimuli mai Savaii ua te’a le afa o le 9 i le po o le Aso Lulu o le vaiaso nei.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required