Faia le molimau a le Palemia i luma o le Komiti

O le sailiiliga a le komiti o tulaga aloaia ma amio taualoa a sui faipule o le Palemene o le atunuu i le faitioga a le Sui Palemia le afioga Tuala Tevaga Iosefo Ponifasio, e faasino i ni saunoaga na lafo e le taitai o le Itu Agai o le faipule o Lepa, ma le faipule o Faleata 3 na faatūtū i le faamasinoga aemaise o nisi o Faamasino, na tulai ai le taitai o le Malo le afioga i le tamaitai Palemia o ia foi o le taitai o le vaega faaupufai o le Faatuatua i le Atua Samoa ua Tasi i luma o le komiti mo sana molimau ona o se manao o le komiti.

Na folasia ai e le afioga Fiame Naomi Mata’afa, sona finagalo e faatatau i le maliega na faia ma le taitai ma le pati faaupufai e puipuia aiātatau a tagata lea na tau fai malilie ai e aumai i tua mataupu tau faamasinoga poo tagi. O lea maliega ua faamatalaina i le faaiuga a le faamasinoga sili lea maliega o le harmony agreement peitai ua faaalia e le tamaitai Palemia ina ua maua lona avanoa e faatalanoa ai, o upu o loo tusia i pepa na tapenaina e loia faatatau i le maliega, o le deed of settlement, poo se pepa ua faamauina ai se ioega e toe faaui ai i tua mataupu mai le faamasinoga, ma na ia faaalia na pau lea o le autū o le maliega.

Na ia faaalia foi o loo manino lelei i le faatautoina o sui faaopopo e toatolu o nofoa o tamaitai i le Palemene, le saunoaga a le Fofoga Fetalai faasino i le tulafono o amioga taualoa ma tulaga mamalu o le Palemene. 

Scroll to Top

Keep uptodate with Radio Samoa activity & promotion

* indicates required