Fai mai o loo feutagai nei taitai o pulega poo Councils i Ueligitone mo ni fuafuaga e ono tuufaatasia ai Pulega.

I le fonotaga na faia a le Wellington Regional Leadership Committee na feiloai ai pulenuu o Wairarapa, Hutt Valley, Kapiti ma Ueligitone e faatalanoa ai se avanoa o se maliega faifaatasi faaitulagi.

O se maliega e aofia ai se fuafuaga e faataga ai ona tuufaatasi pitonuu ia ma ia tasi ai sa latou pulega autu.

O loo ua faatulaga nei sa latou feiloaiga ma le minisita o faigamalo faalotoifale, Simeon Brown ma le taitaifono o le Wellington Regional Leadership Committee ma ua fuafua le fonotaga mo le masina fou.