Ina pepese Aleluia ua fanau le tupu! Ua lata mai le aso e faamanatu ai le fanau mai o Iesu, lo tatou Alii Faaola. Le pepe o le Kerisimasi. Amata nei loa le taumafaiga, e faagata i le aso 20 o Tesema. O le a faia le se’i i le aso lava lena i le 10 i le taeao. (faitau manino aiaiga)

Fai mai Tukuitonga o tagata maoli ma le pasefika o loo mamafa iai aafiaga o le koviti

Ua saunoa Dr Colin Tukuitonga e manaomia ona faia nisi galuega faaopoopo e puipuia ai tagata maoli ma le pasefika mai le koviti 19 aemaise lava le tulaga I tui puipui. Lipotia ele One News se faamatalaga ale alii fomai ma taua ai o tagata pasefika lea ua toeitiiti atoa le 15 pasene o tagata ua maliliu ile koviti , lea ua silia nei male 600 lea aofai.

Taua e le alii fomai na te manatua leisi taimi na oo I le lata I le 50 pasene o tagata ua aafia ile faamai, o tagata pasefika aemaise lava I Aukilani. Ma afai foi e manatua na sosoo ane ai ma le taofia o le toatele I maota gasegase ma nisi na maliliu mulimuli ane.

O loo ia aumaia le faataitaiga o le Spanish flu ile 1918 e fai ma faataitaiga, o tagata maoli ma le pasefika o loo mamafa iai aafiaga o le faamai.

Ui I lea ua taua e Tukuitonga o le tali atu a NIu Sila I le faamai, o se tulaga lelei tele e ui sa iai nai faaletonu I le faatinoina o tui puipui mae oo mai lava I le taimi nei e le o iai lava ise tulaga o loo manaomia e tatau ona iai, le faia o tui puipui faaopopo poo boosters.

Fai mai le alii fomai e matuai manaomia lava ona siitia le aofai o tagata maoli ma le pasefika e faia tui puipui.