Ua faaataata ane e le minisita o le puipuiga a Ausetalia o Richard Marles se faaitiitiga o avanoa i nisi o poloketi a le militeri i le agai atu i le isi talafaatatau o le tupe a o ave ai le faamuamua a le malo i le Pasefika.

O se saunoaga a le alii minisita na faia i se mafutaga i le po anapo i Sini na ia ta’ua ai ua iai se suiga ua faia nei e le faigamalo a Albanese i ana fuafuaga mo tupe faaalu i le vaega o puipuiga, ona o se taumafaiga ina ia taofia le faatuai o nisi o poloketi aemaise le ova atu ma le paketi faatulagaina.

Fai mai Marles e fai si faigata ae o le mea e tatau ona fai, ma e tatau ona faia faaiuga a o lei oo i le paketi o le masina fou.

Ua tuua’ia ai e Marles le faigamalo talu ai i le soona faaalu o tupe i poloketi taugata ma ua taumafai nei le faigamalo e inivesi i nisi o poloketi e pei o vaamaulu niukilia, vaatau ma meatau faatonutonu alualumamao e pei ona faamatamata tetele i le iloiloga na faia e le Matagaluega i le tausaga talu ai.

Puna o Faamatalaga: https://www.9news.com.au/national/defence-cuts-needed-to-refocus-on-pacific-strategy-richard-marles-says/d94d3352-c938-4837-a9f7-feb2f040925b