David Seymour
David Seymour

Fai mai le taitai o le patǐ a le ACT, toe tatala tuaoi o le atunuu i le tausaga fou

O le taitai ole pati a le ACT, David Seymour ua ia taua I se lipoti I le herald I le aso ua tatau ona tatala tuaoi o le atunuu I le tausaga fou tusa lava poo le a le aofai o tagata ua mafai ona faia tuipuipui, ma ua faaalia foi e le tatau I le Fortress NZ  ona taumafai e puipui tagata ua faia le latou filifiliga e le fia faia ni o latou tuipuipui. Ua ia taua foi o le fautuaga mai se kulupu o loo faauluulu ia Sir David Skegg ua faailoa ai mea ua maea ona silafia uma e tagata. 

Fai mai Seymour o le toe tatalaina o tuaoi o le atunuu ua tatau ona tupu I le tausaga fou, fai mai a ia e le tatau I le malo ona faaauau pea ona tapunia tuaoi e puipui ai tagata e le o fia faia ni tuipuipui, ma afai ae le mafai ona aoga tuipuipui, o lona uiga o le a faavavau lava o faanofoesea.

I se taimi foi ua tuanai sa fautuaina ai e le ACT le faatagaina o nisi o le au faipisinisi e malaga mai ma malaga ese atu ma Niu Sila.

O le finagalo faaalia o le taitai o le National, Judith Collins I lea saunoaga a Seymour ua taua ai e le tatau ona tatalaina tuaoi seia mautinoa ua faia tuipuipui o se vaega tele o le atunuu.

O fautuaga la e pei ona faamatuu ae e tusa ai o le mataupu lenei ua faaalia e le herald o le a tali iai le palemia I le aso a taeao. 

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required