Ua faia se faamatalaga a le minisita o le soifua maloloina a Ausetalia o Mark Butler i le agai i luma o togafitiga ma puipuiga o le Koviti-19. 

Fai mai le minisita e ao i tagata Ausetalia ona vaaia lelei o latou soifua maloloina ae na faailoa e lei malilie uma isi minisita o le soifua maloloina mai setete eseese o Ausetalia e toe faatulaga le faamalosia o le faia o talifofoga. Fai mai le minisita e talitonu tagata popoto i tulaga tau le soifua maloloina o Ausetalia ua agai ese mai ma tulaga o vavao ma sa faapea foi ma le faamalosia o talifofoga.

E amata i le Aso Gafua o le vaiaso fou ona amata mafai ona fai le tuipuipui lona fā lea mo tagata ta’i 30 tausaga ma sili atu.