Ua manino mai le saunoaga a le faatonu o le faalapotopotoga tele ale Pasefika e feagai ma le Siosiomaga, le South Pacific Regional Environment Programme le SPREP, Kosi Latu e faapea e leai lava seisi gaioiga e tua iai le Pasefika, ua nao le faaauau pea ona finau mole amiotonu i tulaga tau tala o le tau.
I le RNZ Pacific ile vaiaso nei ua lipotia ai se finagalo faaalia o Latu e faatatau ile COP26 i Glasgow lea na ia faaalia ua tuuina mai ai se pepa o loo faatulaga mai ai le taunuuga o lea fonotaga, ua tumu i folafolaga e aunoa ma ni polisi poo le gaioiga e manaomia ona faia e faatino ai ia fuafuaga.
Ui I lea fai mai Latu o loo ia mitamita pea I le tutufaatasi o atumotu o le pasefika ile fonotaga lea e ui ile faigata ona auai oni ona sui ona o tulaga o sa o le faamai.
Fai mai a ia i lea lipoti e le mafai ona taofia pe faamuta le finau a le pasefika, peitai e tatau ona faaauau pea le finauga ma talosia ia oo atu ileisi feiloaiga I Aikupito ile tausaga fou ua aliae mai ni gaioiga ua faatino ae le nao folafolaga foi.
