Judith Collins

Fai mai Collins ua sa’o le faatoese o le malo i tagata Pasefika

E manatu le taitai o le vaega faaupufai a le National Judith Collins ole faatoese aloaia o le malo o Niu Sila mo dawn raids sa faia I tagata Pasefika I le tele o tausaga ua mavae, o se matuai mea sao lava ua faia.

O le faaiuga o le masina ua fuafua e faia ai le faatoesega lea a le palemia Jacinda Adern e pei ona faamautu mai ananafi.

Sa mataitu ai e tagata mai le Immigration fale o tagata Pasefika ile taeao po mai le vaitau o le 1970 aua le sailia o tagata ua ova aso I Niu Sila. Fai mai Collins I le One News o le polisi sa faia I lea taimi na matuai agai sao lava I tagata Pasefika ma o se matuai faiga faailogalanu.

O se polisi sa ia taua sa unaia e le agaga o le fefe ona o tulaga o galuega ma ua faapea ai ona mataitu nai tagata o le pasefika. O le a faatoese la Adern ma lana faigamalo ona o nei osofaiga ilea so 26 o Iuni I le Auckland Town Hall.

E le o toe po se lilo i aafiaga o nei osofaiga I tagata pasefika aemaise foi I nai o tatou lava tagata. Vaaia le loimata maligi ma le toe foi o manatu o nisi o le mamalu o le atunuu sa aafia i nei mataupu I lea vaitau ma taua ai lagona mafatia ona o aafiaga o nei ituaiga faiga sa faasagatonu I nai o tatou tagata, o le toatele na toe faafoi ai I o latou atunuu.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required