O loo faia nei se suesuega ile maea ole faia o se tui puipui o le koviti 19 o se tamaitai ise nila sa faaaoga e seisi tagata. Lipotia e le Stuff ole mataupu lea na aliae mai ile falemai i Kalaiesetete ile vaega e faia ai tui puipui ile aso faraile na tea nei.
O le toalua o le tamaitai o loo aofia ile mataupu lea, e le o fia faailoaina le suafa, na talanoa ile Stuff ma taua ai le mafatia i lenei tulaga. O le tamaitai o se tagata faigaluega ale pulega a le falemai ma sa agai ane e faia lona tui puipui faaopoopo poo le booster. Fai mai si ona toalua o se tulaga faapopoleina na tulai mai ona o lenei mataupu.
Faailoa mai e le Pulega a le Falemai faaitumalo i Canterbury ua faia nei se suesuega I le mataupu pe na faapefea ona tulai mai. Fai mai ua maea ona faatoese le pulega o le falemai i e na aafia ma ua ave nei samples o toto ina ia siakiina.
Fai mai le toalua o le tamaitai na aafia e lei maua ane lava le iuga o suesuega na faia i samples ia ae fai mai le health board o loo faatino gaioiga ile tulaga e gata ai ina ia fesoasoani ai i le mataupou lea o loo fetauaina e toalua na faia iai tui mai le tui lava lea e tasi.
