Search
Photo: Stuff

Fai le faai’uga a le Green i lo latou faipule, Darleen Tana

E pei ona ta’ua i se lipoti muamua atu i le asō i lenei mataupu, ua ta’ua ai le mananao o le vaega faaupufai a le Green ina ia agai ese le Faipule ma o le sui foi o le Green Party, o Darleen Tana, mai le Palemene.

Na faailoa lea tulaga i le asō ina ua mae’a ona faailo atu ia i latou le i’uga o le suesuega sa faia i lea Faipule.

O loo ta’ua i se lipoti a le Stuff na feiloai le vaega faaupufai i le Aso Toonai talu ai ma talosagaina ai le faamavae ane o Tana ma ua lipotia sa autasi iai le pati i lea faai’uga.

Na faailoa foi e le ta’ita’i o le Green i se pepa o faamatalaga, Chloe Swarbrick e lei faailoa e Tana nisi o faamatalaga i le pati i le taimi na faia ai filifiliga mo ni sui o le pati i le palota atoa ma le taimi o faiga campaigns, ma e lē ogatasi lea ma aiaiga ma mea e faatāua e le Green.

Na faailoa foi i le lipoti se faamatalaga mai le isi ta’ita’i o le Green Marama Davidson ua ta’ua ai lona lē fiafia i le lē faailoaina e Tana o le mea moni i le pati ma e oo mai i le taimi nei e lē o lipotia se tali atu a le tamaitai lea i le faai’uga a lana vaega faaupufai.

O Darleen Tana sa faamalolo lē tumau mo le 115 aso ia Mati ina ua alia’e nisi o tuua’iga faasaga ia te ia e aofia ai ma tuua’iga e faatatau i se tagata sa faigaluega i le pisinisi a lona toalua.

Puna o Faamatalaga: https://www.stuff.co.nz/politics/350334333/nz-politics-live-green-party-ask-mp-darleen-tana-resign-following-investigation

Tala sili ona faitaulia

SAMOA UPDATE

PODCASTS

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required